బతుకమ్మ తెలంగాణ సంస్కృతికి పునాది. పువ్వుల రూపంలో ప్రకృతిని, స్త్రీశక్తిని ఆరాధించే విశిష్టమైన పండుగగా బతుకమ్మను చెబుతారు. ఈ పండుగను తెలంగాణలో ప్రజలు పెద్ద ఎత్తున జరుపుకుంటారు. ఇక ఈ బతుకమ్మ ఇప్పుడు బాలీవుడ్ కి వెళ్ళింది. అదేంటి అనుకుంటున్నారా.. తాజాగా బాలీవుడ్ సినిమాలో మన బతుకమ్మ సాంగ్ వినిపించింది. సల్మాన్ ఖాన్, పూజాహెగ్డే జంటగా నటిస్తున్న ‘కిసీ కా భాయ్ కిసీ కీ జాన్’ చిత్రం నుండి తెలంగాణ పువ్వుల పండగ బతుకమ్మ పాటను చిత్ర బృందం రిలీజ్‌ చేసింది. ఇక బతుకమ్మ విశిష్టతను చక్కగా తెలియజేసేలా ఉన్న ఈ సాంగ్ను ‘కేజీఎఫ్’ ఫేమ్ రవి బస్రూర్ కంపోజ్ చేశారు. ఈ పాటలో సల్మాన్ ఖాన్, వెంకటేష్, పూజా హెగ్డేతో పాటు భూమిక వున్నారు.
ఇకపోతే ‘కిసీ కా భాయ్ కిసీ కీ జాన్’ సినిమా తమిళంలో సూపర్‌ హిట్టయిన ‘వీరమ్‌’కు రీమేక్‌. తెలుగులో ‘వీరుడొక్కడే’ పేరుతో డబ్బింగ్ అయింది. ఆతర్వాత పవన్‌ కల్యాణ్‌ హీరోగా కాటమరాయుడిగా తెలుగులో తెరకెక్కింది. ఇక సల్మాన్ ఖాన్ తన సొంత బ్యానర్‌పై ఈ సినిమాను నిర్మిస్తున్నాడు. జగపతిబాబు కీలకపాత్రలో నటిస్తున్న ఈ సినిమా ఏప్రిల్ 21న థియేటర్లలోకి రానుంది.
