భారీ బడ్జెట్‌తో తెరకెక్కించిన ‘బాహుబలి’ చిత్ర కలెక్షన్లు చూసి షాకయ్యి బడా నిర్మాతలు భారీ బడ్జెట్‌తో తాము ఒక సినిమాని తెరకెక్కించాలని ఇప్పటికే ప్రయత్నాలు చేస్తున్నారు. ఈ నేపథ్యంలో 1000కోట్లతో ‘మహాభారతం’ రానుంది అని వార్తలు వచ్చాయి. భారీ నిర్మాత అల్లు అరవింద్‌ కూడా ఏకంగా 500కోట్లు కేటాయించి ‘రామాయణం’ను తెరకెకిక్కించడానికి సముఖత వ్యక్తం చేస్తున్నట్టు ఫిల్మ్‌ నగర్‌లో జోరుగా ప్రచారం అవుతుంది. ‘రామాయణం’ అద్బుత కథ కాబట్టి ఈ చిత్రం కోసం ఎంత ఖర్చు చేసినా తిరిగి సొమ్ము చేసుకోవచ్చు అనే ఉద్దేశ్యంతోనే అల్లు అరవింద్‌ ‘రామాయణం’కోసం ఏర్పాట్లు చేస్తున్నారట.
ఈ నేపథ్యంలో ‘బాహుబలి’ చిత్రంలో భల్లాలదేవుడిగా అదరగొట్టిన రానా ‘రామాయణం’లో రావణాసురుడి పాత్ర పోషిస్తే చాలా బాగుంటుంది, రావణుడి పాత్ర భల్లాలకు చాలా బాగా కుదురుతుంది అని అభిమానులు అంటున్నారు. దాంతో రానా కూడా వెంటనే స్పందించి ‘రామాయణం’ ఒక గొప్ప కథ, అందులో అవకాశం వస్తే ఎవరు వదులుకుంటారు, అయినా ఇలాంటి పాత్రలు ఇప్పుడే చేయాలి ఆ తర్వాత ఎలాగు చేయలేం కదా, అవకాశం వస్తే కచ్చితంగా రావణుడిగా నటిస్తా అంటూ అభిమానులతో చెప్పుకొచ్చాడు. ఈ విషయమై నిర్మాతలు ఎలా ఆలోచిస్తారో మరి.
