హాట్‌ బ్యూటీ ఛార్మి గత కొంత కాలంగా అవకాశాలు లేక అల్లాడి పోతుంది. ఐటెం సాంగ్స్‌ చేద్దామన్నా ఏ ఒక్కరు అవకాశం ఇవ్వక పోవడంతో తనకు పరిచయం ఉన్న దర్శకులతో, హీరోలతో మొర పెట్టుకుంటుంది. తాజాగా నందమూరి బాలకృష్ణతో పూరి జగన్నాద్‌ సినిమా ప్రకటించిన విషయం తెల్సిందే. ఆ సినిమాలో చిన్న ఛాన్స్‌ అయినా ఇవ్వాల్సిందిగా పూరిని పదే పదే ఛార్మి ప్రాధేయ పడ్డట్లుగా తెలుస్తోంది. ఛార్మితో పూరికి ఉన్న సాన్నిహిత్యం కారణంగా బాలయ్యతో చేయబోతున్న సినిమాలో ఛార్మికి అవకాశం కల్పించాలని నిర్ణయించుకున్నట్లుగా తెలుస్తోంది.
ప్రస్తుతం పూరి జగన్నాధ్‌ ‘రోగ్‌’ చిత్రం పూర్తి చేసే పనిలో ఉన్నాడు. ఆ చిత్రాన్ని పూర్తి చేసి ఆ తర్వాత బాలయ్య సినిమాను మొదలు పెట్టబోతున్నాడు. ఇప్పటికే స్టోరీ రెడీ అయ్యింది. మరో వైపు స్క్రిప్ట్‌ వర్క్‌ కూడా జరుగుతుంది. బాలయ్య అసెంబ్లీ సమావేశాలు ముగిసిన తర్వాత పూరి చిత్రం రెగ్యులర్‌ షూటింగ్‌లో పాల్గొనబోతున్నాడు. ఈ చిత్ర కథానుసారం ఇద్దరు హీరోయిన్స్‌ అవసరం. అందులో ఒక హీరోయిన్‌గా ముద్దుగుమ్మ ఛార్మిని ఎంపిక చేసేందుకు బాలయ్య కూడా గ్రీన్‌ సిగ్నల్‌ ఇచ్చినట్లుగా తెలుస్తోంది. గతంలో బాలయ్యతో కలిసి ఛార్మి నటించిన విషయం తెల్సిందే. త్వరలోనే మరో మెయిన్‌ హీరోయిన్‌ను బాలయ్య కోసం పూరి ఎంపిక చేసే అవకాశాలున్నాయి.
