నందమూరి బాలకృష్ణ తాజాగా తన 100వ సినిమా ‘గౌతమిపుత్ర శాతకర్ణి’ చిత్రంతో బాక్సాఫీస్‌ వద్ద సందడి చేశాడు. బాలయ్య కెరీర్‌లోనే ఆ సినిమా భారీ విజయాన్ని సొంతం చేసుకుంది. ఆ సినిమా తర్వాత బాలయ్య పలువురి దర్శకుల పేర్లు పరిశీలించి పూరి జగన్నాధ్‌కు అప్పగించాడు. పూరి జగన్నాధ్‌కు సీనియర్‌ హీరోలతో సినిమాలు చేసిన అనుభవం లేదు. దాంతో బాలయ్యతో పూరి ఎలాంటి సినిమా చేస్తాడా అని ఎంతో ఆసక్తిగా ఎదురు చూస్తున్నారు.
ఇప్పటికే ఈ చిత్రంలో బాలయ్య గ్యాంగ్‌స్టర్‌గా, డాన్‌గా కనిపిస్తాడని చిత్ర యూనిట్‌ సభ్యులు చెబుతున్నారు. బాలయ్యతో ఈ సినిమాలో కొత్త కొత్త అవతరాలు వేయించి, విభిన్నంగా బాలయ్యను చూపించేందుకు పూరి ప్లాన్‌ చేస్తున్నాడు. అందుకోసం రకరకాలుగా పూరి ప్లాన్స్‌ చేస్తున్నాడని, తన పూర్తి బాధ్యత పూరికి అప్పగించిన బాలయ్య మారు మాట్లాడకుండా, పూరిపై ఉన్న నమ్మకంతో చెప్పింది చెప్పినట్లుగా చేసుకుంటూ వెళ్తున్నట్లుగా సమాచారం. సెప్టెంబర్‌లో ఈ చిత్రాన్ని విడుదల చేస్తానంటూ పూరి ఛాలెంజ్‌ చేసిన విషయం తెల్సిందే.
