రేపటి నుండి చిత్రం రెండవ షెడ్యూల్‌ను చేయబోతున్నట్లుగా ప్రకటన వచ్చింది. ప్రస్తుతం సినిమాకు సంబంధించిన కొన్ని డ్రామా సీన్స్‌ మరియు కొన్ని యాక్షన్‌ సీన్స్‌ను చిత్రీకరించినేందుకు ఏర్పాట్లు చేశారు. రేపటి నుండి హైదరాబాద్‌ పరిసర ప్రాంతాల్లోనే ఈ చిత్రం షూట్‌ జరుగనుంది. బాలకృష్ణతో పాటు చిత్ర యూనిట్‌ సభ్యులు అంతా కూడా ఈ షెడ్యూల్‌లో పాల్గొననున్నారు. మూడు లేదా నాలుగు వారాల పాటు ఈ షెడ్యూల్‌ కొనసాగనుందని తెలుస్తోంది. వేదిక మరియు సోనాల్‌ చౌహాన్‌ లు హీరోయిన్స్‌గా నటిస్తున్న ఈ చిత్రంను వచ్చే సంక్రాంతికి ప్రేక్షకుల ముందుకు తీసుకు రాబోతున్నారు.