టాలీవుడ్‌ జక్కన్న రాజమౌళి ప్రతిష్టాత్మకంగా తెరకెక్కిస్తున్న చిత్రం ‘బాహుబలి’. ఇప్పటికే మొదటి పార్ట్‌ సంచలన విజయం సాధించడంతో ప్రస్తుతం జక్కన్న రెండవ పార్ట్‌ను ప్రేక్షకుల ముందుకు తీసుకు వచ్చేందుకు ప్లాన్‌ చేస్తున్నాడు. వచ్చే నెల చివర్లో ‘బాహుబలి 2’ చిత్రాన్ని విడుదల చేయబోతున్నారు. రెండవ పార్ట్‌కు భారీ క్రేజ్‌ను తీసుకు వచ్చేందుకు ఎన్ని ప్రయత్నాలు చేయాలో అన్ని ప్రయత్నాలను జక్కన్న చేస్తున్నాడు.
రెండవ పార్ట్‌ ప్రారభం మొదటి పార్ట్‌లో ఏం జరిగిందనే వాయిస్‌ ఓవర్‌తో ఉంటుందట. ఆ వాయిస్‌ ఓవర్‌ను తెలుగులో మెగాస్టార్‌ చిరంజీవితో చెప్పించేందుకు జక్కన్న ప్రయత్నాలు చేస్తున్నాడు. తెలుగుతో పాటు హిందీ, తమిళం, మలయాళంలో కూడా ఈ చిత్రాన్ని భారీగా విడుదల చేయబోతున్నారు. అందుకే అక్కడ కూడా స్టార్‌ హీరోలతో వాయిస్‌ ఓవర్‌ ఇప్పించే ప్రయత్నాలు జరుగుతున్నాయి. బాలీవుడ్‌లో అమితాబచ్చన్‌, తమిళంలో రజినీకాంత్‌, మలయాళంలో మోహన్‌లాల్‌లతో వాయిస్‌ ఓవర్‌ ఇవ్వబోతున్నారు. ఈ నలుగురు సూపర్‌ స్టార్స్‌ ‘బాహుబలి 2’కి వాయిస్‌ ఓవర్‌ ఇవ్వబోతుండటంతో చిత్రం రేంజ్‌ మరింతగా పెరగబోతుంది.