ఆనంద్ దేవరకొండ, విరాజ్ అశ్విన్, వైష్ణవి చైతన్యలు కలిసి నటించిన మూవీ ‘బేబీ’. కలర్ ఫోటో లాంటి నేషనల్ అవార్డ్ సినిమాను ప్రొడ్యూస్ చేసిన సాయి రాజేష్ దర్శకత్వంలో ‘బేబీ’ అనే సినిమా రాబోతోంది. ఇక ఇప్పటికే ఈ ఫీల్ గుడ్ లవ్ స్టోరీ నుంచి విడుదలైన టీజర్, సాంగ్స్ సూపర్ హిట్ అయిన సంగతి తెలిసిందే. ఇకపోతే జూలై 14న ఈ చిత్రం విడుదల కాబోతోంది. ఇదే విషయాన్ని ప్రసాద్ ఐ-మాక్స్ దగ్గర 70 అడుగుల విడుదల తేదీ పోస్టర్ తో ప్రకటించారు. ఇకపోతే తాజాగా ఈ సినిమా నుండి మరో అప్డేట్ వచ్చింది.
అదేంటంటే ‘బేబీ’ మూవీ థియేట్రికల్ ట్రైలర్ ను రేపు(జూలై 7) సాయంత్రం 5 గంటలకు అమీర్‌పేట్‌ లోని AAA మాల్ లో రిలీజ్ చేయనున్నట్లు ప్రకటించారు. ఇకపోతే ఈ రిలీజ్ పోస్టర్ చాలా ఆసక్తికరంగా వుంది. ఇక ఈ సినిమాకు విజయ్ బుల్గాన్ సంగీతం అందించాడు. ఎస్‌కేఎన్ నిర్మాతగా వ్యవహరిస్తున్నారు. ఇక ఈ సినిమాకి ఎడిటింగ్ విప్లవ్ నైషధం, సినిమాటోగ్రఫీ ఎమ్ఎన్ బాల్ రెడ్డి అందిస్తున్నారు.