ముక్కుతూ మూలుగుతూ ఆటోన‌గ‌ర్ సూర్య సినిమా పూర్తయింది. అయితే ఈ సినిమా విడుద‌ల ఇంకా ఆలస్యం అవుతోంది. డిసెంబ‌రు 13న విడుద‌ల చేస్తామ‌ని నిర్మాత‌లు ప్రక‌టించినా… ఈ సినిమా సంక్రాంతికే విడుద‌ల చేస్తార‌ని స‌మాచారం. ఆటోన‌గ‌ర్ సూర్య పాట‌లు ఇంకా బ‌య‌ట‌కే రాలేదు. ఈ వారం ఆడియోని విడుద‌ల చేసినా సినిమాకి మ‌రో ప‌దిహేను రోజులైనా వ్యవ‌ధి ఉండాలి. అంటే డిసెంబ‌రు చివ‌రి వారంలో ఆటో న‌గ‌ర్ బ‌య‌ట‌కు వ‌స్తుంది. దాని కంటే సంక్రాంతికి తీసుకొస్తే ఈ సినిమాకి వ‌సూళ్లయినా ద‌క్కుతాయ‌ని చిత్రబృందం భావిస్తోంది. అందుకే సినిమా పూర్తయి ఇన్ని రోజులు అయినా.. ఇంకా విడుద‌ల తేదీ ప్రక‌టించ‌డం లేదు. సంక్రాంతి వ‌స్తే…. అక్కడ పెద్ద సినిమాలు కాచుకొని కూర్చున్నాయి. వాటి మ‌ధ్య…. చైతూ సినిమాకి చోటు ద‌క్కుతుందో లేదో…?
