టీజ‌ర్‌లో ఒక్క డైలాగూ లేదు గానీ.. బ‌య‌ట మాత్రం అత్తారింటికి దారేది డైలాగులు ఒకొక్కటీ లీక్ అవుతున్నాయి. త్రివిక్రమ్ శైలిలోనే అద‌ర‌గొట్టేస్తున్నాయి. సాధార‌ణంగా కామెడీ పంచ్‌లే విసిరే త్రివిక్రమ్… ఈసారి బుల్లెట్‌లాంటి యాక్షన్ పంచ్‌లూ వ‌దులుతున్నాడు. అలాంటి డైలాగ్స్ ఈ సినిమాలో చాలా ఉన్నాయ‌ట. ”గ్రౌండ్‌లో దిగాక బ్యాక్ గ్రౌండ్ల‌కు భ‌య‌ప‌డే అల‌వాటు లేదు.. ఏ బాడీ అయినా క‌బ్బడ్డీనే..”, ”ఇంత వైలెంట్ సెట్యువేష‌న్‌లో కూడా సైలెంట్‌గా ఉండ‌డానికి నేను వివేకానంద‌ను కాదు.. గౌతమ్.. గౌతమ్ నందా..” – ఇలాంటి డైలాగ్స్ ఈ సినిమాలో చాలా ఉన్నాయ‌ట. ఆడియో విడుదల రోజు ఈ సినిమా ట్రైల‌ర్ కూడా చూపించ‌నున్నారు. అందులో ఈ డైలాగ్స్ వినిపిస్తాయ‌ట.
