ఎంపీ గల్లా జయదేవ్ కుమారుడు, సూపర్ స్టార్ మహేష్ బాబు మేనల్లుడు గల్లా అశోక్ హీరోగా ఇండస్ట్రీ ఎంట్రీ ఇస్తున్న సంగతి తెలిసిందే దేవ‌దాస్ ఫేం శ్రీరామ్ ఆదిత్య తెర‌కెక్కిస్తున్న ఈ చిత్రానికి గిబ్రాన్ సంగీతం అందిస్తుండగా.. ప‌ద్మావ‌తి గల్లా చిత్రాన్ని నిర్మిస్తున్నారు. ఇస్మార్ట్ శంకర్ హీరోయిన్ నిధి అగ‌ర్వాల్‌.. అశోక్ స‌ర‌స‌న న‌టిస్తుంది. జ‌గ‌ప‌తిబాబు, న‌రేష్‌, స‌త్యా, అర్చ‌నా సౌంద‌ర్య తదితరులు నటిస్తున్నారు. ఇప్పటికే చాలాభాగం షూటింగ్ పూర్తి కాగా లాక్ డౌన్ కారణంగా ప్రస్తుతం బ్రేక్ పడింది.
అశోక్ గల్లా పుట్టిన రోజును పుర‌స్క‌రించుకొని ఆదివారం ఈ చిత్రంలో హీరో లుక్‌ను నిర్మాత‌లు విడుద‌ల చేశారు. టేబుల్‌పై కూర్చొని టేబుల్‌ ల్యాంప్ వెలుగులో పుస్త‌కం చ‌దువుతున్న అశోక్ లుక్ ఆక‌ట్టుకుంటోంది. నిర్మాత ప‌ద్మావ‌తి మాట్లాడుతూ.. లాక్‌డౌన్ నేప‌థ్యంలో అంద‌రూ ఇళ్ల‌ల్లో సుర‌క్షితంగా ఉండాల‌ని కోరారు.
