‘హీరో’ సినిమాతో ఆరంగేట్రం చేసిన సూపర్ స్టార్ మహేష్ బాబు మేనల్లుడు అశోక్ గల్లా తన రెండవ చిత్రాన్ని అర్జున్ జంధ్యాల దర్శకత్వంలో చేస్తున్న సంగతి తెలిసిందే. సోమినేని బాలకృష్ణ నిర్మిస్తున్న ఈ చిత్రంలో మానస వారణాసి హీరోయిన్ గా నటిస్తుంది. #AshokGalla2 అనే వర్కింగ్ టైటిల్ తో వస్తున్న ఈ చిత్రానికి ‘దేవకీ నందన వాసుదేవ’ అనే టైటిల్ ను అనౌన్స్ చేస్తూనే టీజర్ ని కూడా రిలీజ్ చేశారు మేకర్స్.
టీజర్ చూస్తుంటే.. ఈ సినిమా మాస్ కమర్షియల్ యాక్షన్ ఎంటర్‌టైనర్‌గా రాబోతుందని తెలుస్తుంది. ఇక ఈ చిత్రానికి కథను ప్రశాంత్ వర్మ రాయగా, సాయి మాధవ్ బుర్రా మాటలు రాశారు. భీమ్స్ సిసిరోలియో సంగీతం సమకూరుస్తున్నారు.
