టాలీవుడ్‌లో ప్రతిష్టాత్మకంగా తెరకెక్కిన ‘బాహుబలి 2’ చిత్రం ఈనెల 22న ప్రేక్షకుల ముందుకు రానుంది. దాంతో చిత్ర యూనిట్‌ ప్రమోషన్‌ కార్యక్రమాలను శరవేగం చేశారు. ఎడాపెడా ఇంటర్య్వూలు ఇస్తూ షూటింగ్‌ సమయంలో తమ అనుభవాలను పంచుకుంటున్నారు. తాజాగా ఓ ఇంటర్య్వూలో పాల్గోన్న రాజమౌళి షూటింగ్‌ సమయంలో జరిగిన అనుభూతులను నెమరువేసుకున్నాడు. ఈ చిత్రంలో దేవసేన పాత్రలో కనిపించే వారి ముఖంలో రాజసం ఉట్టిపడాలి అది అనుష్కలో ఉంది కాబట్టి ఆమెను ఎంపిక చేశాను. వాస్తవానికి దేవసేన పాత్రలో పెద్దగా నటించడానికి అవకాశం లేదు, కేవలం రాజసంతో కనిపిస్తే చాలు అలా అనుకుని అనుష్కను ఎంపిక చేశాను.
అనుష్క తన పాత్ర కోసం ఎంత సాహసమైన చేసే నటి, పనికి కట్టుబడి ఉంటూ పాత్రలో ఒదిగిపోయే గుణం కలది. అనుష్కను ఎంపిక చేశాక షూటింగ్‌ సమయంలో ఆమెను చూసి షాకయ్యా. ఈ సినిమాలో నటన స్కోప్‌ ఉండేది ప్రభాస్‌, రానా, సత్యరాజ్‌, రమ్యకృష్ణల పాత్రలకే అనుకున్నా. కానీ అనుష్క మాత్రం తన పాత్ర విషయంలో కూడా వీరితో పోటీ పడుతూ మరీ నటిస్తూ వచ్చింది. అనుష్కను అలా చూసి మొదట్లో నేను షాకయ్యా, అనుష్క చాలామంచి నటి, ఇంతకంటే ఆమె గురించి ఏం చెప్పాలేకపోతున్నా అని రాజమౌళి అంటున్నాడు. తన నటనతో ప్రేక్షకులను కట్టిపడేసే అనుష్క రాజమౌళిని కూడా అలా పడేసిందన్నమాట.
