అ, ఆ , ప్రేమమ్ చిత్రాలతో యూత్ ను ఆకట్టుకున్న అనుపమ పరమేశ్వరన్ ఆ తర్వాత 2017 ‘శతమానంభవతి’ చిత్రం తో ఫ్యామిలీ ఆడియన్స్ కు బాగా దగ్గరయింది. ఈ సినిమాలో ఆమె నటనకు , ఆమె అందానికి అంత ఫిదా అయ్యారు. దీంతో అమ్మడికి వరుస అవకాశాలు తలుపు తట్టాయి.
ఉన్నది ఒకటే జిందగీ, తేజ్ ఐ లవ్ యు, కృష్ణార్జున యుద్ధం, హలో గురు ప్రేమ కోసమే ఇలా వరుస అవకాశాలు వచ్చినప్పటికీ అమ్మడికి మాత్రం ఒక్క హిట్ దక్కలేదు. ఈమె నటించిన అన్ని చిత్రాలు బాక్స్ ఆఫీస్ దగ్గర దారుణమైన ఫలితాలను చూశాయి. దీంతో అమ్మడిని ఐరెన్ లెగ్ జాబితాలో చేర్చారు. ఈ నేపథ్యంలో ఈ భామ కు తెలుగులో ఓ లేడీ ఓరియెంటెడ్ మూవీ చేసే అవకాశం దక్కిందని వార్తలు వినిపిస్తున్నాయి.
యంగ్ డైరెక్టర్ హనుమాన్ చౌదరి తెరకెక్కించనున్న ఓ లేడీ ఓరియెంటెడ్ మూవీ కోసం ఆమె సైన్ చేశారని వార్తలు వినిపిస్తున్నాయి. హనుమాన్ చౌదరి గతంలో ఎవరు సినిమా కోసం పని చేయడం జరిగింది. ఈయన అనుపమ కోసం ఓ పవర్ ఫుల్ లేడీ ఓరియెంటెడ్ స్క్రిప్ట్ సిద్ధం చేశారట. దీనిపై త్వరలో అధికారిక ప్రకటన వచ్చే అవకాశం కలదు.