తెలుగు సినిమాకి సామ్రాట్ అక్కినేని నాగేశ్వ‌ర‌రావు ఒక ప్రత్యేకత. నేడు ఆయ‌న 94వ జ‌యంతి సంద‌ర్భంగా ‘ఎన్టీఆర్ బయోపిక్’ చిత్రంలో నుండి ఏఎన్ఆర్ ఫస్ట్ లుక్ విడుదల చేశారు. చిత్రంలో ఏఎన్ఆర్‌గా ఆయ‌న మ‌న‌వ‌డు సుమంత్ న‌టిస్తుండ‌గా, ఏఎన్ఆర్ లుక్‌లో సుమంత్ అచ్చు గుద్దిన‌ట్టున్నాడు. సుమంత్ తన ట్విట్టర్ లో తాతకి పుట్టిన రోజు శుభాకాంక్షలు తెలుపుతూ ఎన్టీఆర్ బయోపిక్ లోని తాత పాత్రలో తాను నటించిన లుక్ ను పోస్ట్ చేసాడు.
ఇప్ప‌టి వ‌ర‌కు ఎన్టీఆర్‌గా బాల‌య్య, చంద్ర‌బాబుగా రానా లుక్స్ పాటు హెచ్ ఎం రెడ్డి పాత్రలో కైకాల సత్యనారాయణ లుక్ మాత్ర‌మే విడుద‌ల‌య్యాయి. తాజాగా అక్కినేని నాగేశ్వ‌ర‌రావు లుక్ లో సుమంత్ ను చూసిన అక్కినేని అభిమానుల‌ను ఈ ఫస్ట్ లుక్ ఎంత‌గానో ఆక‌ట్టుకుంది. ఎన్టీఆర్ బయోపిక్ ప్ర‌స్తుతం క్రిష్ ద‌ర్శ‌క‌త్వంలో తెర‌కెక్కుతుండ‌గా , వచ్చే ఏడాది సంక్రాంతి కానుకగా విడుదల కానుంది. విష్ణు ఇందూరి , సాయి కొర్రపాటి లతో కలిసి బాలకృష్ణ ఈ చిత్రాన్ని నిర్మిస్తున్నారు.
In remembrance of #ANR on his 94th birth anniversary today. పుట్టినరోజు శుభాకాంక్షలు తాత??
Here's my look (one of many) in#NTR #NTRBioPic #ANRLivesOn pic.twitter.com/vWTkQ2bVXX— Sumanth (@iSumanth) September 20, 2018
