వినవయ్యా రామాయ్యా చిత్రంలో ఇండస్ట్రీలోకి వచ్చాడు నాగ అన్వేష్. ఫస్ట్ సినిమా పెద్దగా క్లిక్ కాలేదు. ఇప్పుడు కాస్త టైమ్ తీసుకుని ఏంజెల్ అంటూ మరో సినిమాతో వస్తున్నాడు. తాజాగా టీజర్ బయటికివచ్చింది.
ఈ టీజర్ చూస్తుంటే ఇదో క్రైమ్ కామెడిలా వుంది. ఓ విగ్రహం చుట్టూ ఈ కధ నడుస్తుంది. హెబ్బా పటేల్ ఈ సినిమాలో ఏంజెల్ గా చేస్తోంది. కొంచెం ఫ్యాంటసీ టచ్ కూడా వుంది. మాంచి ఫన్ తో కూడిన క్యారెక్టర్ ఇది . ‘నాకు ఇదే కావాలి’ అంటూ ఆమె పలికిన ఓ డైలాగ్ ఫన్ పుట్టించింది. ఇక చివర్లో సప్తగిరి వేసిన ఓ డైలాగ్ జబర్దస్ ను గుర్తుకు తెస్తుంది.
తొలి సినిమా కోసం ఓ ప్రేమ కధను ఎంచుకున్నాడు నాగ అన్వేష్. ఐతే రెండో సినిమా విషయంలో రూటు మార్చాడు. సినిమాలో మాస్ జనాలకు నచ్చే ఎలిమెంట్స్ ను పొందుపరిచారు. మరి ఈ ఏంజిల్ ఎలాంటి ఫలితాన్ని ఇస్తుందో చూడాలి.
