ప్రపంచ దేశాలను కరోనా మహమ్మారి వణికిస్తున్న సంగతి తెలిసిందే. ఈ మహాహమారి దెబ్బ కు చిన్న , పెద్ద, పేద, ధనిక అనే తేడాలు లేకుండా అందరూ చనిపోతున్నారు. చిత్రసీమ విషయానికి వస్తే హాలీవుడ్ లో పలువురు ఈ వైరస్ దాటికి ప్రాణాలు కోల్పోగా..తాజాగా స్టార్ వార్స్ యాక్ట‌ర్ ఆండ్రూ జాక్(76) కరోనా బారిన ప‌డి క‌న్నుమూశారు. రెండు రోజుల క్రితం కరోనా సోకింద‌నే విష‌యాన్ని తెలుసుకున్న ఆయ‌న ఆసుప‌త్రిలో చికిత్స పొందుతూ మార్చి 31న మృత్యువాత ప‌డ్డారు.
జాక్ భార్య గేబ్రియల్ రోజర్స్ ప్ర‌స్తుతం క్వారంటైన్‌లో ఉండ‌గా, త‌న భ‌ర్త మృతిపై సోష‌ల్ మీడియా ద్వారా స్పందించింది. రెండు రోజుల క్రితం జాక్‌కి కరోనా సోకింది. ఎలాంటి బాధ లేకుండా ఆయ‌న క‌న్నుమూశారు. ఆయ‌న మృతితో నా గుండె ప‌గిలింది అని గేబ్రియల్ అన్నారు.