తెలుగు బుల్లి తెరపై మరియు వెండి తెరపై ఉదయభాను చేసిన సందడి అంతా ఇంతా కాదు. ఈమె బుల్లి తెర యాంకర్‌గా తెలుగు ప్రేక్షకులకు పరిచయం అయ్యి, హీరోయిన్‌గా కూడా సినిమాలు చేసింది. బుల్లి తెరపై తెలుగు తొలి తరం యాంకర్‌గా ఉదయ భాను పేరు తెచ్చుకుంది. ఆమెను ఆదర్శంగా తీసుకుని ఎంతో మంది యాంకర్స్‌ బుల్లి తెరపైకి రంగ ప్రవేశం చేశారు. ఆమె నిన్న మొన్నటి వరకు కూడా ప్రేక్షకులను అలరిస్తూ వస్తూనే ఉంది. అయితే గర్బవతి అవ్వడంతో భాను కొంత కాలంగా బుల్లి తెరకు దూరంగా ఉంటూ వచ్చింది.
ఆ మద్య కవల పిల్లలకు జన్మనిచ్చిన ఉయద భాను కొంత గ్యాప్‌ తర్వాత కెమెరా ముందుకు వచ్చింది. తాజాగా ఒక కార్యక్రమంలో పాల్గొన్న సందర్బంగా తన ఇద్దరు పిల్లలు మరియు భర్తతో ఇలా కనిపించింది. ఉదయభాను ఇప్పటి కూడా అందంగా మునుపటి రూపంతో ఉండటంతో ఈమె మళ్లీ బుల్లి తెరపైకి వస్తుందేమో అని అంతా భావిస్తున్నారు. ప్రస్తుతం బుల్లి తెరపై సుమ, అనసూయ, రష్మీ, శ్రీముఖి వంటి వారు సత్తా చాటుతున్నారు. మరి వారికి పోటీగా ఈమె నిలుస్తుందా అనేది చూడాలి.
