ఈమద్య కాలంలో సెలబ్రెటీలు రకరకాలుగా డబ్బు సంపాదించేందుకు మార్గాలు అన్వేషిస్తున్నారు. మెయిన్‌ ఇన్‌కమ్‌ కాకుండా సైడ్‌ ఇన్‌కమ్‌ కూడా ప్రయత్నాలు చేస్తున్నారు. ఎక్కువ శాతం సోషల్‌ మీడియా ద్వారా సైడ్‌ ఇన్‌కమ్‌ను ప్రయత్నిస్తున్నారు. తాజాగా యాంకర్‌ సుమ కూడా సైడ్‌ ఇన్‌కమ్‌కు ప్రయత్నాలు మొదలు పెట్టింది. ఇన్నాళ్లు బుల్లి తెరపై తనదైన శైలిలో అలరిస్తూ వచ్చిన సుమ ఇప్పుడు యూట్యూబ్‌ ఛానెల్‌ ద్వారా ఎంటర్‌టైన్‌ చేసేందుకు సిద్దం అయ్యింది.
సుమక్క అంటూ ఒక ఛానెల్‌ను ఈమె ప్రారంభించింది. ఇకపై అందులో వరుసగా కామెడీ, ఎంటర్‌టైన్‌మెంట్‌ షోలు పోస్ట్‌ చేస్తానంటూ హామీ ఇచ్చింది. కొత్త కొత్త వీడియోలను తాను ఇకపై అందులో పోస్ట్‌ చేస్తాను. ప్రతి ఒక్కరు కూడా తన యూట్యూబ్‌ ఛానెల్‌ను చూడండి అంటూ సుమ చేసిన రెండు వీడియోలు ఇప్పటికే సోషల్‌ మీడియలో వైరల్‌ అవుతున్నాయి. సుమ ఏం చేసినా చాలా స్పెషల్‌గా ఉంటుంది. ప్రతి శనివారం నాడు ఒక వీడియోను పోస్ట్‌ చేస్తానంటూ సుమ తెలియజేసింది. ఇప్పటికే లక్షల కొద్ది యూట్యూబ్‌ ఛానెల్స్‌ ఉన్నాయి. ఇప్పుడు సుమ కూడా రంగంలోకి దిగబోతుంది.
