పలు సూపర్‌ హిట్‌ చిత్రాలను అందించిన భవ్య క్రియేషన్స్‌ ఆనంద్‌ ప్రసాద్‌ ఈ చిత్రంను నిర్మించేందుకు ముందుకు వచ్చారు. ఒక విభిన్నమైన లవ్‌ స్టోరీతో వినోద్‌ ఈ చిత్రాన్ని తెరకెక్కించబోతున్నాడు. పలు సినిమాలకు స్క్రిప్ట్‌ రచయితగా పని చేసిన వినోద్‌ ఈ చిత్రంతో దర్శకుడిగా తానేంటో నిరూపించుకోబోతున్నాడు. విజయ్‌ దేవరకొండ కథ విని ఓకే చెప్పడంతో సినిమా త్వరలోనే పట్టాలెక్కేందుకు సిద్దం అవుతుంది. తమ్ముడితో సినిమా తీయాల్సిందిగా ఆనంద్‌ ప్రసాద్‌ను విజయ్‌ దేవరకొండ రిక్వెస్ట్ చేశాడనే గుసగుసలు వినిపిస్తున్నాయి.