మెగా హీరోగా తెలుగు తెరకు పరిచయం అయ్యి మొదట్లో పెద్దగా ఆకట్టుకోలేకపోయినా కూడా గత ఏడాది ‘శ్రీరస్తు శుభమస్తు’ చిత్రంతో మంచి సక్సెస్‌ను అందుకున్నాడు. ఆ తర్వాత శిరీష్‌ తదుపరి చిత్రంపై కాస్త ఆసక్తి పెరిగింది. కానీ తన తర్వాతి చిత్రాన్ని మళయాలంలో చేయడానికి శిరీష్‌ ఆసక్తి చూపించాడు. ‘1971 బెయాండ్‌ బోర్డర్‌’ చిత్రంతో మళయాలంలో అడుగు పెడుతున్నాడు. ఈ చిత్రాన్ని తెలుగులో ‘1971 భారత సరిహద్దు’ అనే టైటిల్‌తో విడుదల చేయనున్నారు. మళయాలంలో ఈ చిత్రాన్ని ఏప్రిల్‌ 7న విడుదల చేయాలని చిత్ర యూనిట్‌ సన్నాహాలు చేస్తున్నారు.
తెలుగులో ఈ చిత్ర విడుదలకు కాస్త సమయం పట్టేలాగే ఉంది. మళయాలంలో ఈ చిత్రం సక్సెస్‌ అయితేనే శిరీష్‌ కెరియర్‌కు కాస్త ప్లస్‌ అవుతుంది. తాజాగా ఈ చిత్ర ఫస్ట్‌లుక్‌ విడుదలయింది. అందులో ఒకవైపు మోహాన్‌లాల్‌ పవర్‌ఫుల్‌గా ఉండగా శిరీష్‌ యుద్ద భూమిలో చాలా ధైర్యంగా పరుగులు తీస్తున్నారు. ఫస్ట్‌లుక్‌ను చూస్తుంటే ఈ చిత్రంపై ఆసక్తి నెలకొంటుంది. ఇప్పటి వరకు క్లాస్‌గా కనిపించిన శిరీష్‌ ఈ చిత్రంలో యాక్షన్‌ హీరోగా కనిపించనున్నాడు. ఈ చిత్రంలో శిరీష్‌ ఓ వార్‌ ట్యాంకర్‌ ఆపరేటర్‌గా పనిచేస్తాడట.
