యంగ్‌ హీరో నిఖిల్‌ తాజా చిత్రం ‘కేశవ’ త్వరలో విడుదల కాబోతుంది. ‘స్వామిరారా’ ఫేం సుధీర్‌ వర్మ తెరకెక్కించిన ఈ చిత్రంపై ఒక మోస్తరు అంచనాలు ఉన్నాయి. ఈ నెల 19న నిఖిల్‌ ‘కేశవ’గా మన ముందుకు రాబోతున్నాడు. తాజాగా ఈ చిత్ర యూనిట్‌ ఓ వేడుకను ఏర్పాటు చేశాడు.ఈ వేడుకలో గుణ శేఖర్‌ షాకింగ్‌ వ్యాఖ్యలు చేశాడు. ‘కేశవ’ ట్రైలర్‌ వచ్చినప్పుడు అల్లు అర్జున్‌ నాకు ఫోన్‌ చేసి ‘కేశవ’ ట్రైలర్‌ చూశారా, చాలా బాగుంది అని, ఈ చిత్రంపై తెగ ముచ్చట పడ్డాడు అని గుణ శేఖర్‌ చెబుతున్నాడు.
అప్పుడప్పుడు కమర్షియల్‌ చిత్రాలు చేస్తూ తరుచూ ఇలాంటి వైవిధ్యభరిత కథలను ఎంచుకుంటున్న నిఖిల్‌ను మెచ్చుకున్నాడు. అంతేకాకుండా ఈ చిత్రంలో హీరోయిన్‌గా నటించిన రీతై వర్మను కూడా తెగ పొగిడేశాడు. గుణశేఖర్‌కు కూడా ‘కేశవ’ చిత్రంపై ఆసక్తిగా ఉందట. అయితే గుణ శేఖర్‌ వ్యాఖ్యలు ప్రస్తుతం హాట్‌ టాఫిక్‌గా మారాయి. నిజంగా బన్నీనే స్వయంగా ఫోన్‌ చేసి ‘కేశవ’ ట్రైలర్‌ బాగుంది చూడు అని చెప్పాడా..? లేదా ఈయన కొంత కల్పించి చెబుతున్నాడా అని నెటిజన్లు సందేహాలు వ్యక్తం చేస్తున్నారు.
