అల్లు అర్జున్‌ ప్రస్తుతం ‘అల వైకుంఠపురంలో’ చిత్రంలో నటిస్తున్న విషయం తెల్సిందే. త్రివిక్రమ్‌ దర్శకత్వంలో రూపొందుతున్న ఈ చిత్రం షూటింగ్‌ అక్టోబర్‌ లేదా నవంబర్‌ వరకు పూర్తి కాబోతుంది. ఆ వెంటనే వేణు శ్రీరామ్‌ దర్శకత్వంలో ఒక చిత్రం చేయబోతున్నాడు. ఈ చిత్రానికి ఇప్పటికే ఐకాన్‌ అనే టైటిల్‌ను ఖరారు చేయడం, ఆ టైటిల్‌ మరియు ఫస్ట్‌లుక్‌ను కూడా రివీల్‌ చేయడం జరిగింది. దిల్‌రాజు నిర్మించబోతున్న ఈ చిత్రంపై అంచనాలు భారీగా ఉన్నాయి. వచ్చే ఏడాది వేసవి కానుకగా ఈ చిత్రంను విడుదల చేయాలని నిర్ణయించారు.
ఐకాన్‌ చిత్రంలో హీరోయిన్స్‌ ఎవరు అనే చర్చ జరుగుతోంది. ఒక హీరోయిన్‌గా రష్మిక నటించే అవకాశం ఉందని తెలుస్తోంది. మరో హీరోయిన్‌ ఎంపిక విషయంలో చర్చ జరుగుతోంది. ఇక ఇదే సమయంలో ఐకాన్‌కు సంగీత దర్శకుడిగా తమిళ సంగీత దర్శకుడు అనిరుధ్‌ను ఎంపిక చేయడం జరిగింది. ఈమద్య కాలంలో తెలుగులో అనిరుధ్‌ చాలా బిజీ అవుతున్నాడు. ఒక్కటి కూడా బ్లాక్‌ బస్టర్‌ పడకున్నా కూడా ఈయన మాత్రం తెలుగులో వరుసగా చిత్రాలు చేస్తూనే ఉన్నాడు. ఐకాన్‌కు అప్పుడే అనిరుధ్‌ వాయింపు మొదలు పెట్టినట్లుగా సమాచారం అందుతోంది.
