అల్లు అర్జున్‌ 19వ చిత్రంకు త్రివిక్రమ్‌ దర్శకత్వం వహిస్తున్న విషయం తెల్సిందే. సంక్రాంతికి ప్రేక్షకుల ముందుకు రాబోతున్న ఈ చిత్రంకు ఇంకా టైటిల్‌ను అఫిషియల్‌గా అనౌన్స్‌ చేయలేదు. భారీ అంచనాలున్న ఈ చిత్రం తండ్రి కొడుకుల సెంటిమెంట్‌తో తెరకెక్కబోతున్నట్లుగా కూడా తెలుస్తోంది. ఇక ఈ చిత్రంకు గతంలో పలు టైటిల్స్‌ పరిశీలిస్తున్నట్లుగా వార్తలు వచ్చాయి. తాజాగా మరో కొత్త టైటిల్‌ మీడియలో ప్రచారం జరుగుతుంది. అదే ‘నాన్న నేను’.
గతంలో అల్లు అర్జున్‌ నటించిన సన్నాఫ్‌ సత్యమూర్తి చిత్రం తండ్రి కొడుకుల సెంటిమెంట్‌. ఆ చిత్రంలో అల్లు అర్జున్‌ తండ్రి చనిపోయిన తర్వాత తండ్రి పేరు కోసం కష్టపడతాడు. ఇప్పుడు ఈ చిత్రంలో తన తండ్రితో కలిసి ఒక ఆశయం కోసం పోరాడతాడని తెలుస్తోంది. ఈ చిత్రంతో మరోసారి సన్నాఫ్‌ సత్యమూర్తి సెంటిమెంట్‌ వర్కౌట్‌ అయ్యి అల్లు అర్జున్‌, త్రివిక్రమ్‌ల జోడీ హ్యాట్రిక్‌ కొడుతుందనే నమ్మకం వ్యక్తం అవుతుంది. ఈ చిత్రంలో పూజా హెగ్డే మరియు నివేదా పేతురాజ్‌ హీరోయిన్స్‌గా నటించారు. టబు కీలక పాత్రలో నటించగా సుశాంత్‌ ముఖ్య పాత్రలో కనిపించబోతున్నాడు.
