స్టయిలిష్‌ స్టార్‌ అల్లు అర్జున్‌ ప్రస్తుతం మాటల మాంత్రికుడు త్రివిక్రమ్‌ దర్శకత్వంలో ‘అలీ వైకుంఠపురంలో’ చిత్రంలో నటిస్తున్నాడు. సంక్రాంతి కానుకగా ఈ చిత్రాన్ని విడుదల చేయాలని చిత్ర యూనిట్‌ భావిస్తున్నారు. బన్నీ, త్రివిక్రమ్‌ల కాంబోలోని ‘జులాయి’, ‘సన్నాఫ్‌ సత్యమూర్తి’ చిత్రాలు మంచి విజయాన్ని సాధించాయి. దాంతో ఈ చిత్రంపై అంచనాలు తారా స్థాయిలో ఉన్నాయి. దసరా నుండి ఈ చిత్ర ప్రమోషన్‌ కార్యక్రమాలను షురూ చేయాలని చిత్ర యూనిట్‌ ప్లాన్‌ చేస్తున్నారు.
ప్రేక్షకులకు దసరా కానుకగా టీజర్‌ను విడుదల చేయాలని త్రివిక్రమ్‌ ప్లాన్‌ చేస్తున్నారు. బన్నీ కానుకతో పాటు నందమూరి హీరో కూడా ప్రేక్షకులకు దసరా కానుక ఇవ్వడానికి రెడీ అవుతున్నాడు. కళ్యాణ్‌రామ్‌ నటిస్తున్న ‘ఎంతమంచి వాడవురా’ చిత్రం కూడా సంక్రాంతి సందర్భంగా విడుదల కానుంది. దాంతో నందమూరి హీరో కూడా దసరా సందర్భంగా టీజర్‌ను వదలడానికి సన్నాహాలు చేస్తున్నట్టుగా తెలుస్తోంది. మెగా, నందమూరిల దసరా కానుకతో ప్రేక్షకులను ఫుల్ ఖుషీ చేయాలని ప్లాన్‌ చేస్తున్నారు.
