ఈ నేపథ్యంలో తమన్ మ్యూజిక్ అందిస్తున్న ఈ చిత్రంలోని సామజవరగమన అనే ఫస్ట్ సింగిల్ సాంగ్ ను త్వరలో విడుదల చేస్తున్నట్లు చిత్ర యూనిట్ ప్రకటించింది. సిరివెన్నెల సీతారామశాస్త్రి రాసిన ఈ సాంగ్ ను సిడ్ శ్రీరామ్ పాడారు. తమన్ అద్భుతమైన ట్యూన్ తో ఈ పాటను తీర్చిదిద్దారట. ఇక జూలై 8న దసరా కానుకగా ఈ సినిమా టీజర్ ను విడుదల చేయాలని మేకర్స్ భావిస్తున్నారని తెలుస్తోంది. ఇక 2020 సంక్రాంతికి ఈ చిత్రాన్ని ప్రేక్షకుల ముందుకు తీసుకొచ్చేందుకు సన్నాహాలు చేస్తున్న నేపథ్యంలో ప్రస్తుతం ఈ సినిమా శరవేగంగా షూటింగ్ జరుపుకుంటుంది.
బన్నీ సరసన పూజా హెగ్డే నటిస్తున్న ఈ చిత్రంలో సీనియర్ హీరోయిన్ టబు కీలక పాత్ర చేస్తుండగా, హీరో సుశాంత్, నివేదా పేతురాజ్, నవదీప్ ముఖ్యపాత్రలలో కనిపించనున్నారు. హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మిస్తుండగా, ఎస్ ఎస్ థమన్ సంగీతం అందిస్తున్నారు.
