నటుడు రవిబాబు దర్శకత్వం వహిస్తూ నటిస్తున్న చిత్రం ‘అదుగో. దీన్ని సురేశ్‌ ప్రొడక్షన్స్, ఫ్లైయింగ్‌ ఫ్రాగ్స్‌ సంస్థలు సంయుక్తంగా నిర్మిస్తున్నాయి. ఈ సినిమా ట్రైలర్‌ను ఈరోజు విడుదల చేశారు. ఇందులో ‘బంటి’ అనే పందిపిల్ల చేసే అల్లరి, యాక్షన్‌ ఘట్టాలను పరిచయం చేశారు. అందరూ దీని వెనకే పడుతుంటారు. వారి నుంచి తప్పించుకోవడానికి బంటి చేసే విన్యాసాలు నవ్వులు పూయిస్తున్నాయి.
బంటిని దాని తల్లి తిడుతూ..‘రేయ్‌ పంది..ఒక్కసారి చెబితే అర్థంకాదా? మనుషుల్లా మళ్లీ మళ్లీ చెప్పించుకుంటావా? వెనక్కి రా..’ అని తిట్టడం ఫన్నీగా ఉంది. బంటీ చేసే మూన్‌ వాక్‌ స్టెప్‌ హైలైట్‌గా నిలిచింది. మరి మీరు కూడా ఈ ట్రైలర్ ఫై ఓ లుక్ వెయ్యండి
