డైలాగ్‌ కింగ్‌ సాయి కుమార్‌ తనయుడు ఆది హీరోగా పరిచయం అయ్యి చాలా కాలం అయ్యింది. కెరీర్‌ ఆరంభంలో రెండు మూడు ఒక మోస్తరు సక్సెస్‌లను అందుకున్నాడు. ఆ తర్వాత వరుసగా ఫ్లాప్‌ అవుతూ వస్తున్నాడు. ఈయన చేస్తున్న ప్రతి సినిమా కూడా బాక్సాఫీస్‌ వద్ద బొక్క బోర్లా పడుతూ వస్తుంది. తాజాగా ఈయన ‘జోడీ’ అనే చిత్రంలో నటించాడు. ఈ చిత్రంలో ‘జెర్సీ’ చిత్రంలో హీరోయిన్‌గా నటించిన శ్రద్దా శ్రీనాద్‌ నటించింది. భారీ అంచనాల నడుమ రూపొందిన ఈ చిత్రం ట్రైలర్‌ తాజాగా ప్రేక్షకుల ముందుకు వచ్చింది.
ప్రేక్షకులు ఈ చిత్రం ట్రైలర్‌తో కనెక్ట్‌ అవుతున్నారు. ఒక క్యూట్‌ లవ్‌ స్టోరీతో పాటు సినిమాలో మంచి ఎంటర్‌టైన్‌మెంట్‌ కూడా ఉంటుందని ట్రైలర్‌ చూస్తుంటే అనిపిస్తుంది. ఆదికి ఇది మరో సక్సెస్‌ను తెచ్చి పెడుతుందనిపిస్తుంది. ఎందుకంటే ప్రస్తుతం ఎంటర్‌టైన్‌మెంట్‌ సినిమాల టైం నడుస్తోంది. కనుక కాస్త ఎంటర్‌టైన్‌మెంట్‌తో పాటు బోరింగ్‌ కొట్టే సీన్స్‌ లేకుంటే మాత్రం సినిమా మంచి హిట్‌ అయ్యే అవకాశం ఉందని సినీ వర్గాల వారు అంటున్నారు. ట్రైలర్‌ వరకు ఓకే కాని సినిమా ఎలా ఉంటుందా అని అంతా ఆసక్తిగా ఎదురు చూస్తున్నారు.
