ఏప్రిల్ 08 అల్లు అర్జున్ పుట్టిన రోజు ఈ సందర్బంగా అల్లు అర్జున్ 20 వ చిత్రం తాలూకా అప్డేట్ ను ఏప్రిల్ 08 ఉదయం 9 గంటలకు ప్రకటించబోతున్నట్లు నిర్మాణ సంస్థ మైత్రి మూవీస్ తెలిపింది. అల వైకుంఠపురం లో చిత్రం తో బ్లాక్ బస్టర్ హిట్ అందుకున్న స్టైలిష్ స్టార్ అల్లు అర్జున్ .ప్రస్తుతం తన 20 వ చిత్రాన్ని సుకుమార్ డైరెక్షన్లో చేస్తున్నాడు. మైత్రి మూవీ మేకర్స్ నిర్మాణంలో రష్మిక హీరోయిన్ గా ఈ మూవీ తెరకెక్కుతుంది. దేవి శ్రీ మ్యూజిక్ అందిస్తున్నారు.
ఇప్పటికే ఈ మూవీ షూటింగ్ మొదటి షెడ్యూల్ పూర్తి కాగా..ప్రస్తుతం లాక్ డౌన్ కారణంగా షూటింగ్ కు బ్రేక్ పడింది. ఇక రేపు బన్నీ పుట్టిన రోజు సందర్భాంగా చిత్రం తాలూకా అప్డేట్ ను ప్రకటించబోతున్నారు. ఈ మేరకు మైత్రి సంస్థ తమ ట్విట్టర్ ద్వారా ” ఏమబ్బా , అందరూ బాగుండారా ..మీరు ఎప్పుడెప్పుడా అని చుస్తాండే #AA20 అప్డేట్ ఏప్రిల్ 08 9 గంటలకు వస్తుందని..” ప్రకటించారు. మరి ఆ ప్రకటన ఏంటి అనేది చూడాలి. మూవీ లో అల్లు అర్జున్ చిత్తూరు కి చెందిన మాస్ లారీ డ్రైవర్ రోల్ చేయనున్నాడు. అందుకోసం తన మేకోవర్ ను పూర్తి చేసాడట.
