‘2.ఓ’ 3డీ టీజర్‌ ఫ్రీగా చూడాలంటే..!

వినాయకచవితి సందర్భంగా ‘2.ఓ’ 3డీ టీజర్‌ను చిత్ర బృందం విడుదల చేయనుంది. గతంలో ఏ భారతీయ చిత్రమూ తెరకెక్కించని రీతిలో శంకర్‌ ‘2.ఓ’ను తీర్చిదిద్దారు. సినిమా మొత్తాన్ని 3డీ కెమెరాల‌తో తెర‌కెక్కించిన శంక‌ర్ టీజ‌ర్‌ని కూడా 3డీ ఫార్మాట్‌లోనే విడుద‌ల చేస్తున్నాడు. ఈ క్ర‌మంలో చిత్ర టీజర్‌ను థియేటర్‌లలో ప్రీమియర్‌గా ప్రదర్శించనున్నారు.

3డీ టీజర్‌ను చూడాలనుకునేవారు దగ్గర్లోని పీవీఆర్‌, సత్యం థియేటర్స్‌లో చూడవచ్చట. ఇందుకోసం 90999 49466కు మిస్డ్‌కాల్‌ ఇచ్చి ఉచిత టికెట్‌ను బుక్‌ చేసుకోవాల్సిందిగా చిత్ర బృందం అభిమానులను కోరుతోంది. అలా ఉచిత టికెట్‌ పొందిన వారు వినాయకచవితి రోజున 3డీ టీజర్‌ను చూడవచ్చు.