సినిమా పరిశ్రమలో సెంటిమెంట్లు ఎక్కువ. కొబ్బరికాయ్ నుండి గుమ్మడికాయ్ వరకూ అన్నీ సెంటిమెంట్లు ప్రకారమే జరుగుతాయి. కాంబినేషన్లు, హిట్ జోడిలా గురించి ప్రత్యేకంగా చెప్పనక్కర్లేదు. ఏదైనా యాంటిసెంటిమెంట్ వస్తే ఫ్యాన్స్ లో కూడా భయ మొదలౌతుంది. ఇప్పుడు ప్రభాస్ ఫ్యాన్స్ కి కూడా ఓ భయం పట్టుకుంది.
ప్రభాస్ హీరోగా ఓం రౌత్‌ దర్శకత్వంలో ‘ఆదిపురుష్‌’ రూపొందుతున్న సంగతి తెలిసిందే. రామాయణం ఆధారంగా తీస్తున్న ఈ చిత్రంలో ప్రభాస్ శ్రీరాముడిగా, సైఫ్‌ అలీఖాన్‌ రావణుడిగా నటిస్తున్నారు. ఇందులో సీత పాత్ర కోసం పలువురు నాయికల్ని పరిశీలించారు. కీర్తిసురేష్‌, దీపికా పదుకొణె, అనుష్క తదితర పేర్లు ప్రచారంలోకి వచ్చాయి.
తాజాగా ఆ పాత్ర కోసం కృతిసనన్‌ ఎంపికైంది. ఈ విషయాన్ని అధికారికంగా ప్రకటించారు. ఇక్కడే ఫ్యాన్స్ కి భయం మొదలైయింది. కృతిసనన్‌ కి ఒక్క హిట్ లేదు. మహేష్ బాబు తో చేసిన ఆన్ అట్టర్ ఫ్లాఫ్. చైతుతో చేసిన దోచేయ్.. దారుణంగా దెబ్బకొట్టింది. అటు హిందీలో కూడా విజయాలు లేవు. అలాంటి హీరోయిన్ ని ఇప్పుడు ప్రభాస్ సినిమాలో పెట్టుకోవడం యాంటిసెంటిమెంట్ గా ఫీలౌతున్నారు ఫ్యాన్స్. మరి చూడాలి రిజల్ట్ ఎలా వుంటుందో..
