సారంగదరియా పాట యూట్యూబ్ని షేక్ చేస్తుంది. లవ్ స్టోరీ పేరిట శేఖర్ కమ్ముల తెరకెక్కిస్తున్న సినిమాలో నాగచైతన్య సాయి పల్లవి హీరో హీరోయిన్లుగా నటిస్తున్నారు. మొన్ననే ఈ సినిమాలోని సారంగదరియా పాటను విడుదల చేశారు చిత్ర యూనిట్. మంగ్లీ గాయని గా వచ్చిన ఈ పాట కి సాయిపల్లవి స్టెప్పులు అభినయం తోడవడంతో ప్రస్తుతం ఈ పాట ఊపేస్తోంది.
అయితే ఈ పాట క్రెడిట్ కోసం- ముందు సోషల్ మీడియాలో, ఇప్పుడు తాజాగా ప్రధాన మీడియాలో ఆరోపణలు చేస్తూ కొందరు జానపద గాయనిలు తెర మీదకు వచ్చి ఆరోపణలు చేయడం వివాదాస్పదంగా మారింది. ఈ పాట రచన సుద్దాల అశోక్ తేజ అని ప్రకటించారు కానీ నిజానికి ఇది జానపదంలో ఎన్నో సంవత్సరాలుగా నలుగుతున్న పాట. రేలా రే రేలా అనే ప్రోగ్రాం లో కోమలి అనే గాయని ప్రాచుర్యంలోనికి తీసుకొచ్చింది. ఐతే ఆమెకు క్రిడెట్ ఇవ్వకుండానే పాటని వాడారు. దీనిపై టీవీ డిబేట్లు కూడా జరుగుతున్నాయి. సినిమా వాళ్ళకు క్రేడిట్ ఇచ్చే అలవాటు వుండదు. చివరికి శేఖర్ కమ్ముల సినిమా విషయంలో కూడా ఇలా జరగడం బాధాకరం.
