సమంత ప్రధాన పాత్రలో దర్శకుడు గుణశేఖర్‌ తెరకెక్కిస్తున్న చిత్రం ‘శాకుంతలం’. మహాభారతం.. ఆదిపర్వంలోని శాకుంతల, దుష్యంతుల ప్రేమకథ ఆధారంగా రూపొందుతోన్న చిత్రమిది. టైటిల్‌ పాత్రను సమంత పోషిస్తుండగా.. దుష్యంతుడి పాత్రలో కనిపించే నటుడెవరన్నది ఇంత వరకు ప్రకటించలేదు.
అయితే దీనిపై చిత్ర బృందం శనివారం స్పష్టతనిచ్చింది. ఈ పాత్రను మలయాళ నటుడు దేవ్‌ మోహన్‌ పోషించనున్నట్లు అధికారికంగా ప్రకటించారు. దీనికి సంబంధించి సమంత కూడా తన ట్విటర్‌లో చిన్న టీజర్‌ని పంచుకుంది. ‘‘ఇతనే నా అందాల రాకుమారుడు దుష్యంత్‌’’ అంటూ ఆ పోస్ట్‌కి ఓ వ్యాఖ్యను జత చేసింది.
