రెబల్ స్టార్ ఫ్యాన్స్ ఆసక్తిగా ఎదురుచూస్తోన్న రోజు వచ్చేసింది. ప్రేమికుల రోజుని సెలబ్రేట్ చేసుకొని ప్రభాస్ ‘రాధేశ్యామ్‌’ టీజర్ విడుదలైంది. ‘నువ్వు ఏమైనా రోమియో అనుకుంటున్నావా?’ . ‘ఛ.. వాడు ప్రేమ కోసం చచ్చాడు. నేను ఆ టైప్‌ కాదు’ అంటూ ప్రభాస్ చెప్పిన డైలాగ్‌ టీజర్ కి హైలెట్ గా నిలిచింది.
వింటేజ్‌ ప్రేమకథా చిత్రంగా రూపుదిద్దుకుంటోన్న ‘రాధేశ్యామ్‌’కు కె.రాధాకృష్ణ దర్శకత్వం వహిస్తున్నారు ఇందులో ప్రభాస్ లవర్‌బాయ్‌గా సాఫ్ట్‌ లుక్‌లో విక్రమాదిత్య అనే పాత్రలో కనిపించనున్నారు. ప్రభాస్‌కు జోడీగా పూజాహెగ్డే.. ప్రేరణగా మెప్పించనున్నారు. పాన్‌ఇండియా స్థాయిలో తెరకెక్కుతోన్న ఈ చిత్రానికి దక్షిణాదిలో జస్టిన్‌ ప్రభాకరన్‌ స్వరాలు అందిస్తుండగా.. హిందీలో మిథున్‌, మనన్‌ భరద్వాజ్‌ ద్వయం సంగీత దర్శకులుగా వ్యవహరిస్తున్నారు. ‘మిస్టర్‌ పర్‌ఫెక్ట్‌’, ‘డార్లింగ్‌’ చిత్రాల తర్వాత ప్రభాస్ లవర్‌బాయ్‌ పాత్రలో నటిస్తోన్న ఈ సినిమా పై భారీ అంచనాలు వున్నాయి.
