రాజ్ తరుణ్ ప్రామెసింగ్ హీరో. అతడి నుండి సినిమా వస్తుందంటే యూత్ లో అంచనాలు ఉండేవి. కానీ ఇదంతా గతం. ఇప్పుడు రాజ్ తరుణ్ ఫ్లాఫుల్లో వున్నాడు. గత కొన్నాళ్ళుగా అతడికి హిట్ లేదు. అంచనాలు కూడా తగ్గిపోయాయి. దీనికి తాజా నిదర్శనం పవర్ ప్లేయ్ సినిమా. నిజానికి ఇలాంటి సినిమా ఒకటి వచ్చిందని కూడా చాలా మందికి తెలీదు. గుండెజారి గల్లంతయ్యిందే ఫేం విజయ్ కుమార్ కొండ దర్శకత్వంలో మొన్న విడుదలైన సినిమా ఇది.
సినిమాకి నెగిటివ్ టాక్ వచ్చింది. ప్రమోషన్ కూడా బాగా చేయలేదు. ప్రధాన చానల్స్ కూడా ఈ సినిమా రివ్యూని కవర్ చేయలేదు. ఆ రోజు మొత్తానికి నాలుగు సినిమాలు. ఐతే టాక్ నెగిటివ్ అని రావడంతో జనాలు లైట్ తీసుకున్నారు. యూనిట్ కూడా పట్టించుకోలేదు. కనీసం రివ్యూ రాసే సైట్స్ కూడా ఈ సినిమాకి ప్రాధన్యత ఇవ్వలేదు. మొత్తానికి రాజ్ తరుణ్ కెరీర్ లో ఇంత తక్కువ పబ్లిసిటీ వచ్చిన సినిమా ఈ మధ్య కాలంలో లేదు. సినిమాలో విషయం వుంటే యూనిట్ చిన్న ప్రెస్ మీట్ అయినా పెట్టేది. కానీ విషయం లేదని తెలివడంతో పాపం పవర్ ప్లేయ్ ని అందరూ మర్చిపోయారు.
