వైష్ణవ్ తేజ్… చిరు మేన‌ల్లుడిగా, సాయిధ‌ర‌మ్ తేజ్ త‌మ్ముడిగా ఉప్పెన‌తో ఎంట్రీ ఇస్తున్నాడు వైష్ణవ్. ఈనెల 12 న ఈ సినిమా విడుద‌ల కానుంది. అయితే ఈ లోగ మరో రెండు సినిమాలని లైన్ లో పెట్టేశాడు. ప్రస్తుతం క్రిష్ దర్శకత్వంలో ఓ సినిమా చేస్తున్నాడు. ఈ సినిమా షూటింగ్ జరుగుతోంది. ఈ లోగ మూడో సినిమా కూడా ఫిక్సయిపోయింది..దర్శకుడు, నిర్మాత, క‌థ.. అన్నీ ఫిక్స్‌. అయితే .. ఆ ప్రాజెక్టు ఏమిట‌న్నది స‌రైన స‌మ‌యంలో ప్రక‌టిస్తారు. ఈ విషయాన్ని వైష్ణవ్ తేజ్ కూడా చెప్పాడు.
ఈ జోరు చూస్తుంటే వైష్ణవ్ తేజ్ ప్లాన్ బాగానే వున్నట్లు వుంది. నిజానికి సాయి ధరమ్ తేజ్ మొదటి సినిమా విడుదలకే చాలా ఎదురుచూశాడు. మూడేళ్ళపాటు లాక్ అయిపోయాడు. రెండో సినిమాగా చేసిన పిల్లా నీవు లేని జీవితం మొదట వచ్చింది. అయితే వైష్ణవ్ తేజ్ కి మాత్రం ఈ సమస్య లేదు. మొదటి సినిమానే మంచి బజ్ తో రిలీజ్ అవుతుంది. ఈ విషయంలో వైష్ణవ్ తేజ్ లక్కీనే.
