కోలీవుడ్‌ సూపర్‌హిట్‌ చిత్రం ‘వేదాళం’. ఈ సినిమా మెగాస్టార్ రీమేక్ చేయనున్నారు. మలయాళీ సూపర్‌హిట్‌ చిత్రం ‘అయ్యప్పనుమ్ కోషియం’. ఇటీవల ఈ సినిమా తెలుగు రీమేక్ పనులు ప్రారంభమైన విషయం తెలిసిందే. పవర్‌స్టార్‌ పవన్‌కల్యాణ్‌, రానా ప్రధానపాత్రల్లో నటిస్తున్న ఈ చిత్రానికి సాగర్‌ కె.చంద్ర దర్శకత్వం వహిస్తున్నారు. సుకుమార్‌-స్టైలిష్‌స్టార్‌ అల్లు అర్జున్‌ హ్యాట్రిక్‌ కాంబినేషన్‌లో తెరకెక్కుతోన్న చిత్రం ‘పుష్ప’.
ఇప్పుడు ఈ ముగ్గురు హీరోల సినిమాకి ఒకే హీరోయిన్ పని చేసే అవకాశం వుంది. ఆమెనే సాయి పల్లవి. ‘వేదాళం’లో చిరుకి చెల్లి పాత్రలో.. పవన్ కళ్యాణ్ ‘అయ్యప్పనుమ్ కోషియం’ లో ఓ కీలక పాత్రలో.. బన్నీ పుష్ప సినిమాలో మరదలి పాత్రలో సాయిపల్లవి నటించే అవకాశాలున్నాయంటూ చెప్పుకుంటున్నారు. ఈ మూడు కూడా నటనకు ఆస్కారం వుండే పాత్రలు కాబట్టి సాయి పల్లవి ఓకే చేస్తుందనే నమ్మకం కూడా వుంది. అయితే ఇందులో ఏది కూడా ఇంకా అధికారిక ప్రకటన రాలేదు. ఒకవేళ ఇదే నిజం అయితే సాయి పల్లవి ఒకేసారి మెగా కాంపౌండ్ ని చుట్టేసినట్లే.