అల్లు అర్జున్ తో సినిమా అంటే ఈజీ కాదు. ఐతే త్రివిక్రమ్ లేదంటే ఓ అప్పటికే ఓ బ్లాక్ బస్టర్ కొట్టిన దర్శకుడితోనే జత కడుతున్నారు బన్నీ. త్రివిక్రమ్ తో అల వైకుంఠ పురం తర్వాత ప్రస్తుతం సుకుమార్ తో సినిమా చేస్తున్నారు బన్నీ. ఈ సినిమా పూర్తయిన తర్వాత కొరటాల శివతో సినిమా వుంది. ఐతే బన్నీ లిస్టు లో వున్న దర్శకులు మాత్రం పెద్ద లిస్టు వుంది.
విక్రమ్ కుమార్ తో ఓ సినిమా అనుకోని తర్వాత డ్రాప్ అయ్యారు బన్నీ. పందెం కోడి ఫేం లింగుస్వామి తో ఆ మధ్య ఓ సినిమా అనుకున్నారు. ఈ సినిమాకి కొబ్బరికాయ్ కూడా కొట్టారు. ఐతే ఇందులో ఏమైయిందో కానీ ఆ సినిమా అజాపాజా లేకుండ పోయింది. సందీప్ రెడ్డి వంగా కూడా బన్నీతో సినిమా చేయాలనే పట్టుదలతో వున్నాడు. ఇప్పుడు మరో దర్శకుడు బన్నీ లిస్టు లో చేరాడు. అతనే గౌతమ్ మీనన్.
అల్లు అర్జున్ ని దృష్టిలో ఉంచుకుని గౌతమ్ ఓ క‌థ రెడీ చేశార‌ని ఇన్ సైడ్ వ‌ర్గాల టాక్‌. బ‌న్నీని క‌లిసి, క‌థ చెప్ప‌డానికి ఆయ‌న ప్ర‌య‌త్నాలు ప్రారంభించార‌ని స‌మాచారం. అన్నీ కుదిరితే.. అది త్వ‌ర‌లో… వీరిద్ద‌రి మ‌ధ్యా భేటీ జ‌ర‌గొచ్చు. ఐతే బన్నీ వెనుక చాలా పెద్ద క్యూ వుంది. కొరటాల సినిమా తర్వాత మళ్ళీ త్రివిక్రమ్ తోనే ఓ సినిమా చేయాలనీ ఆలోచనలో వున్నాడు బన్నీ. ఈ లెక్కన చూసుకుంటే ఇప్పట్లో బన్నీతో సినిమా అంత ఈజీ కాదనే చెప్పాలి.
