ప్రభాస్ సినిమాతో మరో సినిమా రిలీజ్ చేయాలంటే కొంచెం అలోచించుకోవాల్సిందే. టాలీవుడ్ లోనే కాదు .. బాలీవుడ్ లో కూడా ప్రభాస్ ఇప్పుడు క్రేజీ స్టార్. బాహుబలి సాహో చిత్రాలతో బాలీవుడ్ లో పాగ వేశాడు ప్రభాస్. ఆయన సినిమాకి అక్కడ చాలా క్రేజ్ వుంది. ఐతే ఇప్పుడు ఓ హీరోయిన్ ప్రభాస్ తో డీ కొడుతుంది. ఆమెనే అలియా భట్. ఆమె నటిస్తున్న చిత్రం ‘గుంగూబాయి కతియావాడి’.
సంజయ్‌లీలా భన్సాలీ తెరకెక్కిస్తున్న ‘గుంగూబాయి కతియావాడి’లో మునుపెన్నడూ కనిపించని పాత్రలో ఆలియా కనిపించనుంది. గంగూబాయి కతియావాడి అనే మహిళ జీవిత చరిత్ర ఆధారంగా ఈ బయోపిక్‌ను తెరకెక్కించారు. ఈ సినిమా కావడంతో సినిమాపై భారీ అంచనాలున్నాయి. జూలై 30న విడుదల కానుంది. ఈ విషయాన్ని ఆమె స్వయంగా ప్రకటించింది. అదేరోజు ప్రభాస్ రొమాంటిక్‌ డ్రామా ‘రాధేశ్యామ్‌’ కూడా విడుదల కానుంది.
ఈ రెండు సినిమాలు ఒకే రోజు విడుదలైతే అభిమానులకు పండగే. అయితే.. ఒక సినిమాపై మరో సినిమా ప్రభావం ఉండే అవకాశం మాత్రం లేకపోలేదు. ప్రభాస్ సినిమా కూడా అక్కడ భారీ స్థాయిలో విడుదల కానుంది. ఐతే సంజయ్ లీలా బన్సాలీ సినిమా నటే కూడా బాలీవుడ్ నాట చాలా క్రేజ్ వుంటుంది. మరి చూడాలి బాక్సాఫీసు వార్ లో విజేత ఎవరో ?
