టాలీవుడ్ లో కొత్త సినిమాల విడుదల తేదీలు ప్రకటిస్తూ ఫ్యాన్స్ లో ఆనందం రేకెత్తిస్తున్నారు హీరోలు. దాదాపు సెట్స్ పై వున్న సినిమాల డేట్స్ ఖారరయ్యాయి. ఐతే ఇప్పుడు ఆసక్తికరమైన డేట్ ఒకటి క్లాష్ వచ్చింది. అదే సెప్టెంబర్ 9. ఈ డేట్ కి ఇద్దరు క్రేజీ హీరోల సినిమా వచ్చే అవకాశం వుంది.
పవన్ కళ్యాణ్ -సాగర్ చంద్ర కలయికలో ఓ సినిమా తెరకెక్కుతుంది. ఈ సినిమాని సెప్టెంబర్ 9న రిలీజ్ చేయడానికి సన్నాహాలు చేస్తున్నారు. ఇకపోతే విజయ్ దేవరకొండ కూడా ఇదే తేదికి వస్తున్నాడు. పూరి జగన్నాధ్ దర్శకత్వంలో లిగర్ చేస్తున్నాడు విజయ్. ఈ సినిమాకి కూడా సెప్టెంబర్ తొమ్మిదికే విడుదల చేయడానికి సన్నాహాలు చేస్తున్నారు.
ఐతే ఈ రెండు తేదీలు క్లాస్ కావడంపై ఇటు ఫ్యాన్స్ డిఫరెంట్ గా స్పందిస్తున్నారు. కొంతమంది వినాయక చవితికి సినిమా పండగ అని కామెంట్ చేస్తుంటే.. పవన్ కళ్యాణ్ సినిమాకి దారిచ్చి విజయ్ మరో డేట్ చేసుకుంటే బావుంటుందని సలహాలు ఇస్తున్నారు. ఐతే దీనిపై పూరి ఆఫీస్ నుండి ఇంకా అధికారిక ప్రకటన రాలేదు.
