పవర్‌స్టార్‌ పవన్‌కల్యాణ్‌ స్పీడ్ మామూలుగా లేదు. వరుస ప్రాజెక్ట్‌లు ఓకే చేస్తూ ఒకదాని తర్వాత మరొకటి పట్టాలెక్కించేస్తున్నారు. ఇప్పటికే ‘అయ్యప్పనుమ్ కోషియం’ రీమేక్‌, క్రిష్‌ సినిమా పనుల్లో బిజీగా ఉన్న పవన్ మరి కొద్ది నెలల్లో హరీశ్‌ శంకర్‌ సినిమా షూట్‌లో భాగం కానున్నారు.
ఈ క్రమంలోనే పవన్ తన 29వ చిత్రాన్ని సురేందర్ రెడ్డితో చేయనున్నారని టాక్ వినిపిస్తుంది. ‘రేసుగుర్రం’ చిత్రాన్ని తెరకెక్కించిన సురేందర్‌రెడ్డి, వక్కంతం వంశీ కాంబో #PSPK29 ఉండనున్నట్లు తెలుస్తోంది. ఇందుకోసం పవర్‌స్టార్‌కు సెట్‌ అయ్యేలా ఓ కథను వంశీ సిద్ధం చేస్తున్నట్లు వార్తలు వస్తున్నాయి.
నిన్న వంశీ పుట్టినరోజు సందర్భంగా.. పలువురు నెటిజన్లు, సినీ విశ్లేషకులు ఆయనకు శుభాకాంక్షలు చెప్పారు. బర్త్‌డే విషెస్‌ పోస్టులు పెడుతూ #PSPK29 అనే హ్యాష్‌ట్యాగ్‌ను ఉపయోగించారు. దీంతో పవన్ తన తదుపరి ప్రాజెక్ట్‌ను వక్కంతం వంశీ, సురేందర్ రెడ్డి కాంబోలో వుంటుందని భావిస్తున్నారు. ఏదైనా పవన్ కళ్యాణ్ ఇలా వరుస సినిమాలు చేయడం ఫ్యాన్స్ ని తెగ ఖుషి చేస్తుంది.