అల్లరి నరేష్ మినిమం గ్యారెంటీ హీరో. ప్రేక్షకుల్ని కితకితలు పెడతాడు. అటు నిర్మాతల్నీ సంతృప్తి పరుస్తాడు. నరేష్ సినిమా అంటే థియేట‌ర్లు కిట‌కిట‌లాడుతాయి. సినిమా ఎలా ఉన్నా.. కామెడీ ఉంటుందన్న ఆశ‌తో జనాలు థియేట‌ర్లకు వెళ్తారు. అయితే.. ఇదంతా నరేష్ గ‌త వైభ‌వ‌మే. కొన్నాళ్ళుగా నరేష్ కి హిట్టు లేదు. ఒక్కటంటే ఒక్క హిట్టూ లేదు. క‌నీసం యావరేజ్ కూడా లేదు. నరేష్ సినిమా అంటే దాదాపు లైట్ తీసుకోనే పరిస్థితి వచ్చింది. అటు నిర్మాత‌ల‌కూ నరేష్ సినిమాలు చేదు అనుభవాన్ని మిగులుస్తున్నాయి.
ఐతే ఈ రోజే వచ్చిన నాంది సినిమా నరేష్ కి కొత్త జోష్ ని ఇచ్చింది. ఈ సినిమాకి యునానిమస్ గుడ్ టాక్ వచ్చింది. అల్లరి న‌రేశ్‌ కెరీర్‌కి ఈ సినిమా ఓ కీల‌క మ‌లుపు అవుతుందని సినిమా చూసిన జనాలు చెబుతున్నారు. న‌టుడిగా న‌రేశ్‌ని కొత్త కోణంలో ఆవిష్కరించింది నాంది. సూర్యప్రకాశ్‌ పాత్రలో ఒదిగిపోయాడు న‌రేశ్‌. ఈ క్రమంలో ఏర్పాటు చేసిన ప్రెస్ మీట్ లో నరేష్ ఎమోషనల్ అయ్యాడు. ఒక దశలో ఏడ్చేశాడు. హిట్ మాట విని 12ఏళ్ళు అవుతుంది. మళ్ళీ రోజు విన్నాను. చాలా ఎమోషనల్ గా వుంది. మీ అందరికీ థాంక్స్ అని కంటతడి పెట్టుకున్నాడు నరేష్.