ఇంట గెలిచి రచ్చ గెలవాలి అంటారు. కానీ నవీన్ పోలిశెట్టి ఇందుకు విభిన్నం. మొదట రచ్చ గెలిచి ఇంట గెలిచాడు. నవీన్ పోలిశెట్టి ఏజెంట్ సాయి శ్రీనివాస్ ఆత్రేయ తర్వాత అందరికీ పరిచయం అయ్యాడు. కానీ అంతకుముందు బాలీవుడ్ జనాలకు నవీన్ తెలుసు. యూటూబ్ వీడియోలో ద్వార పాపులర్ అయ్యాడు. తెలుగులో మొదట అవకాశాలే రాలేదు. మహేష్ బాబు వన్ నేనొక్కడినే సినిమాలో ఓ చిన్న గెస్ట్ రోల్ చేసిన ఎవరూ పట్టించుకోలేదు. తర్వాత చాలా ప్రయత్నాలు చేశాడు. ఐతే ఏజెంట్ సాయి శ్రీనివాస్ ఆత్రేయ తో మొదటి బ్రేక్ వచ్చింది.
ఈ సినిమా తర్వాత చాలా గ్యాప్ తీసుకొని మళ్ళీ జాతి రత్నాలతో ప్రేక్షకుల ముందుకు వచ్చాడు. ఈ సినిమా ఇప్పుడు బాక్సాఫీసు దగ్గర వసూళ్ళ వర్షం కురిపిస్తుంది. మొదటి నాలుగు రోజులకే ఇరవై కోట్లకు పైగా వసుళ్ళూ సాధించింది. దీంతో నవీన్ పై అందరికీ ద్రుష్టి పడింది. దాదాపు ఆరుగురు నిర్మాతలు నవీన్ కు అడ్వాన్స్ లు ఆఫర్ చేశారు. కానీ ఒక్కరి అడ్వాన్స్ కూడా తీసుకోలేదట. కారణం కధ లేకపోవడం. నవీన్ కు తెలుసు కంటెంట్ ఈజ్ ది కింగ్. కంటెంట్ లేకుండ ఎదో ఒక కధని చేస్తే ప్రేక్షకులు మర్చిపోవడానికి ఎక్కువ సమయం పట్టదు. అందుకే సక్సెస్ వచ్చినప్పుడే చాలా జాగ్రత్తగా అడుగులు వేస్తున్నాడు నవీన్
