టాక్సీవాలా ఫేమ్‌ రాహుల్‌ సంక్రీత్యన్‌ దర్శకత్వంలో నాని నటించనున్న చిత్రం శ్యామ్‌ సింగరాయ్‌. పూర్వ జన్మ నేపథ్యంలో జరిగిన సంఘటన ఆధారంగా ఈ మూవీని నిహారిక ఎంటర్‌టైన్‌మెంట్‌ నిర్మిస్తోంది. ఇందులో సాయి పల్లవి, ఉప్పెన బ్యూటీ కృతి శెట్టి హీరోయిన్లుగా నటిస్తుండగా.. మిక్కీ జే మేయర్ సంగీతం అందిస్తున్నారు.
ఈ సినిమా ఫస్ట్ లుక్ బయటకు వచ్చింది. సినిమాలో నాని పూర్వ జన్మ వ్యవహారం అంతా కలకత్తా నేపథ్యంలో వుంటుంది. ప్రేమ కథ కూడా ఆ జన్మలోనే. ఫస్ట్ లుక్ ను ఆ గెటప్ తోనే ఇచ్చారు. పోస్టర్ లో కలకత్తా నేపథ్యం తెలిసేలా డిజైన్ చేసారు. లకత్తాలో కనిపించే లాగుడు బండి, కలకత్తా సంస్కృతిని ప్రతిబింబించే డిజైన్ సెట్ చేసారు.
హీరోయిన్ సాయిపల్లవిని హీరో వెనుక దాచేసి చూపించడం విశేషం. అన్నట్టు ఇందులో నాని త్రిపాత్రాభినయంలో నటించనున్నారని.. అందులో ఒకటి 65ఏళ్ల ముసలాడి పాత్ర అనే టాక్ కూడా వుంది. ఒకవేళ ఇదే నిజమైతే మరో కొత్త అవతారంలో నానిని చూడొచ్చు.
