దర్శకుడు ఓంకార్‌ తెరకెక్కించిన ‘రాజుగారి గది’ చిత్రం విడుదలయ్యి మంచి సక్సెస్‌ను సొంతం చేసుకుంది. దాంతో దర్శకుడు ఓంకార్‌ రెండవ పార్టును రెడీ చేసి కింగ్‌ నాగార్జునకు వినిపించి నాగ్‌ను బుక్‌ చేసుకున్నాడు. రెండో పార్టు స్టోరీ చాగా బాగుండడంతో వెంటనే గ్రీన్‌ సిగ్నల్‌ ఇచ్చాను అని నాగ్‌ ఇదివరకే చెప్పిన విషయం తెల్సిందే. నాగ్‌ ‘రాజుగారి గది 2’ చిత్రంలోని లుక్‌ ఒకటి విడుదలయి ఆకట్టుకుంది. ఈ చిత్రంలో నాగ్‌ పాత్రపై చాలా సందేహాలు ఉండగా చిత్ర యూనిట్‌ ఆ సందేహాలకు చెక్‌ పెట్టే విధంగా పవర్‌ఫుల్‌ నాగ్‌ లుక్‌ను విడుదల చేసింది.
ఈ చిత్రంలో నాగ్‌ కోడలు, ముద్దుగుమ్మ సమంత కూడా ఒక ప్రత్యేక పాత్రలో నటిస్తోంది. అయితే ఈ అమ్మడు ఎంపికయినప్పటి నుండి కూడా సమంత దెయ్యం పాత్రలోనే నటిస్తుంది అని వార్తలు వస్తున్నాయి. కాని చిత్ర యూనిట్‌ నుండి సమంత పాత్రపై అధికారిక ప్రకటన రాలేదు. తాజాగా సమంత ‘రాజుగారి గది 2’ షూటింగ్‌లో పాల్గోంటుంది. సెట్‌లో ఉన్న సమంత ఫొటో ఒకటి చిత్ర యూనిట్‌ విడుద చేశారు. నల్లని రంగు పంజాబీ డ్రస్‌ వేసుకుని తీక్షణంగా ఆలోచిస్తున్న సమంత ఫొటో ఆకట్టుకుంటుంది. నల్లని రంగు డ్రస్‌ వేసుకుంది కాబట్టి ఈ చిత్రంలో సమంత దెయ్యంలాగే కనిపిస్తుంది కాబోలు అనే సందేహాలు ఎక్కువయ్యాయి. ఎప్పుడూ తన నవ్వులతో మెరిసే ముద్దుగుమ్మ ఈ చిత్రంలో దెయ్యంలాగా నటిస్తుందా..? అని అభిమానులు కంగారు పడుతున్నారు.
