సమంత తెలుగు, తమిళ భాషల్లో అగ్రకథానాయికగా వెలుగొందుతున్న సమయంలోనే ప్రేమలో పడ్డానని, త్వరలో పెళ్లి చేసుకుంటాను అని ప్రకటించింది. గత కొంత కాలంగా ఈ అమ్మడు అక్కినేని యువహీరో నాగచైతన్యతో ప్రేమాయణం సాగిస్తోంది. ఈ ఏడాదిలో ఇద్దరం పెళ్లి చేసుకోబోతున్నాం అంటూ ప్రకటించారు. ఇటీవలె వైభవంగా నిశ్చితార్థం చేసుకున్న సమంత ఇప్పటి నుండి సినిమాల్లో నటించడానికి చాలా షరతులు పెడుతుందట. ప్రేమ విషయం బయటకు తెలిసాక ఈ అమ్మడికి అవకాశాలు తగ్గాయి అని అంతా అనుకున్నారు. కాని సమంత నటన, అందం ముందు పెళ్లి అనేది చాలా చిన్నది. ఈ అమ్మడి హావభావాలు ఎలా ఉంటాయో ప్రత్యేకంగా చెప్పనక్కర్లేదు. అందుకే టాలీవుడ్‌ స్టార్‌ కుటుంబానికి కోడలిగా సమంత అడుగుపెట్టబోతున్న కూడా ఈ అమ్మడికి వరుస అవకాశాలు వస్తున్నాయి.
పెళ్లి అయ్యాక కూడా సినిమాలను కంటిన్యూ చేస్తాను అని ఈ అమ్మడు పదేపదే చెబుతూనే ఉంటుంది. కాకపోతే పెళ్లి అయ్యింది కాబట్టి కాస్త ప్రత్యేకంగా కనిపించనుందట. సమంత ఇటీవలె చరణ్‌, సుకుమార్‌ల చిత్రంలో నటించడానికి గ్రీన్‌ సిగ్నల్‌ ఇచ్చింది. ఈ చిత్రంలో నాభిని చూపించను అంటూ తేల్చి చెప్పిందట. గ్లామర్‌గా కనిపించడానికి ఒకే, డ్రస్స్‌ల పరంగా కూడా సర్దుకుంటాను కాని నాభిని ప్రదర్శించడం మాత్రం కుదరదు అని ముందే చెప్పిందట.