బిగ్ బాస్.. తెలుగులో ఇప్పటికే నాలుగు సీజన్లను కంప్లీట్‌ చేసుకుంది. ఇప్పుడు ఐదో సీజన్‌కు రెడీ అవుతోంది. ఇప్పటికే ఈ షోలో పాల్గొనేవారి లిస్ట్‌ ఇదేనంటూ కొన్ని పేర్లు హల్‌చల్‌ చేస్తున్నాయి. అయితే ఈ సారి హోస్ట్‌ విషయంలో బిగ్‌బాస్‌ బృందం చాలా జాగ్రత్తలు తీసుకుంది. మొదటి సీజన్‌కు యంగ్‌ టైగర్‌ ఎన్టీఆర్ మరోసారి తీసుకోస్తున్నారు.
ఈ కార్యక్రమానికి ప్రచార చిత్రాలు రూపొందించే పని ప్రారంభమైంది. ఈ మేరకు తాజాగా ఒక యాడ్ ను షూట్ చేసారు. స్టార్ డైరెక్టర్ త్రివిక్రమ్ డైరక్షన్ లో ఎన్టీఆర్ ఈ యాడ్ షూట్ లో పాల్గోన్నారు. స్టార్ సంస్థ ఇచ్చిన ఐడియాను కాన్సెప్ట్ గా మార్చి, తన స్టయిల్ లో త్రివిక్రమ్ చిత్రీకరించారు. అన్నపూర్ణ లో జరిగిన షూట్ లో ఎన్టీఆర్ పాల్గొన్నారు. త్వరలోనే ఈ వీడియో అఫీషియల్ గా రానుంది. ఇప్పటికే బిగ్ బాస్ తెలుగు చాలా పాపులర్ అయ్యింది. ఇప్పుడు ఎన్టీఆర్ రాకతో ఈ సీజన్ పై మరిన్ని అంచనాలు పెరగనున్నాయి.