అలియా భట్ ట్రోల్స్ బారిన పడటం కొత్త కాదు. ఆమె జనరల్ నాలెడ్జ్ పై అప్పట్లో సోషల్ మీడియాలో పెద్ద రచ్చ నడిచింది. ఐతే ఇప్పుడు ఓ సినిమాలో లుక్ ఆమెను ట్రోల్స్ బారిన పడినట్లు చేసింది. రాజమౌళి దర్శకత్వంలో తెరకెక్కుతున్న అతి భారీ సినిమా ఆర్ఆర్ఆర్. ఈ సినిమాలో సీత పాత్ర పోషిస్తుంది అలియా. తాజాగా లుక్ రిలీజ్ చేశారు .
రామరాజు (రామ్ చరణ్) కోసం ఎదురుచూస్తున్న సీత పాత్రలో అలియాభట్ లుక్స్ బాగున్నాయి. ఫస్ట్ లుక్ రిలీజ్ లో భాగంగా ఆత్మస్థైర్యం మెండుగా ఉన్న వనితగా సీత పాత్రను అభివర్ణించాడు రాజమౌళి. అంతే బాగానే వుంది కానీ ఇందులో అలియా లుక్ ని బీనా అంటీతో పోల్చారు నెటిజన్స్. మీర్జాపూర్ లో బీనా అంటీ గురించి అందరికీ తెలుసు. సీత గెటప్ బీనా అంటీతో మ్యాచ్ అయ్యింది. దీంతో మీమర్స్ తమ క్రియేటివిటీకి పదను పెట్టారు. బీనా అంటీని అలియాని పక్కపక్క పెట్టి.. అలియా అని చెప్పి బీనా అంటీని చుపించారని సెటైర్లు వేస్తున్నారు. మొత్తానికి ఎదో విధంగా అలియా లుక్ మాత్రం ఇప్పుడు సోషల్ మీడియాలో బాగనే ట్రెండ్ అవుతుంది.
