దర్శక ధీరుడు రాజమౌళిని అందరు ముద్దుగా ’జక్కన్న’ అని పిలుస్తుంటారు. ప్రముఖ శిల్పకారుడు జక్కన్న. ఆయన చెక్కిన శిల్పానికి వంకపెట్టేవారే ఉండరు. రాజమౌళి కూడా తన సినిమాలని శిల్పంగా చెక్కుతాడు. అందుకే.. తెలుగు చిత్ర పరిశ్రమ రాజమౌళి ముద్దుగా జక్కన్న అని పిలుచుకుంటుంది. మరి.. రాజమౌళికి ఆ పేరు ఎవరు పెట్టారు? ఇంకేవరు.. యంగ్ టైగర్ ఎన్టీఆర్. తారక్ – జక్కన్నలది విడదీయరాని బంధం. స్టూడెంట్ నెం.1 ఎన్టీఆర్ – రాజమౌళి.. ఇద్దరికీ తొలి చిత్రం. ఆ తర్వాత వీరి కలయికలో సింహాద్రి, యమదొంగ సినిమాలు వచ్చి హిట్ కొట్టాయి. తారక్ తయారు చేసిన జక్కన్న పేరును.. ఇప్పుడు సునీల్ వాడుకొంటున్నాడు. సునీల్ తాజా చిత్రం టైటిల్ ’జక్కన్న’. ఈ రోజే అఫిషియల్ గా ఖరారు కూడా చేశారు.
