సునీల్ హీరోగా తెరకెక్కుతున్న చిత్రం ‘భీమవరం బుల్లోడు’. 1000 అబద్ధాలు చిత్రం ఫేమ్ ‘ఎస్తేర్’ హీరోయిన్. ఉదయశంకర్ దర్శకుడు. సునీల్ కి ‘పూల రంగడు’ వంటి మ్యూజికల్ హిట్ అందించిన అనూప్ రూబెన్స్ మరో సారి మ్యూజిక్ అందిస్తున్నారు. ఈ చిత్రం ఆడియో సునీల్ సొంతూరు భీమవరంలో ఈనెల 22 విడుదల చేయడానికి ప్లాన్ చేస్తున్నారు. ఈ ఆడియో వేడుకకు సునీల్ కు అత్యంత ఆప్తమిత్రుడు దర్శకుడు త్రివిక్రమ్ శ్రీనివాస్ హాజరౌతారని సమాచారం. సునీల్, త్రివిక్రమ్ చదువుకున్న భీమవరం డి.యన్,అర్.కాలేజీ మైదానం లోనే ఈ ఆడియో వేడుక జరగనుంది.
