అడ్డా సినిమా కాస్త అటూ ఇటూ అయినా మా సినిమా సూపర్ అంటూ బిల్డప్పులు ఇచ్చుకొంటోంది శ్రీ‌నాగ్ కార్పొరేష‌న్‌. వెంట‌నే మ‌రో సినిమాని తెర‌కెక్కించ‌డానికి స‌న్నాహాలు చేసుకొంటోంది. ఈసారీ కొత్త ద‌ర్శకుడికి అవ‌కాశం ఇస్తార‌ట. ప్రభుదేవా సోద‌రుడు విష్ణు దేవా ఈ చిత్రానికి ద‌ర్శక‌త్వం వ‌హిస్తార‌ట. బ్యాంకాక్‌లో అడ్డా షూటింగ్ సంద‌ర్బంలో విష్ణుదేవా ఈ క‌థ వినిపించాడ‌ట. విన్న వెంట‌నే సుశాంత్‌కి భ‌లే న‌చ్చేసింద‌ట. `మా సుశాంత్‌కి నూటికి నూరుపాళ్లూ స‌రిపోయే క‌థ ఇది` అని చింత‌ల పూడి శ్రీ‌నివాస‌రావు చెబుతున్నారు. మారుతితో కూడా ఓ సినిమా చేస్తార‌ట. ఈ కొత్త సినిమాల సంగ‌తులు ఇంకొన్ని రోజుల్లో తెలుస్తాయి.
